مطبخ صابرين ..المن_والسلوي حلوى عراقية مقدمة من نوما ابوشادى

مطبخ صابرين ..المن_والسلوي حلوى عراقية مقدمة من نوما ابوشادى: اعداد/صابرين متولى #المن او #السما او #المن_والسلوي او تشبه #النوجا لحد كبير عبارة عن  نوجا بس هشة وبتمط  وهي حلوى …

طاجن العكاوي

السلام  عليكم

طاجن  العكاوي  من ضمن اكلات الاضحي المشهورة و المتميزة في البيت المصري

العيد قرب كل سنة وانتم طيبين وفي اكلات معينة كدة بتحلي بكل لذاذيتها وبهاريزها منها #طاجن_العكاوي_بالفريك 

 ممكن يكون ليها اسم تاني في بعض البلاد هي(ديل العجل)

المكونات

ديل عجل _ يسلق عادي مع بصلة وطماطماية وورق لورا وعود قرفة وفلفل اواي  بتحبيهابهارات

نصف كيلو فريك _بصلة كبيرة مقطعة مكعبات وبصلة صغيرةمبشورة فصين ثوم مطحون وقطعة جنزابيل فريش ملعقتين كبار سمن اوسمن وزيت

ملح _فلفل_ قرفة ناعمة _كركوم_جبهان ومرقة سلق العكاوي وطماطم للوجة

العكاوي خلي بالك مش بالوزن بتتباع بالديل علي بعض

الفريك متنقي كويس لو بلدي انقعيه نص ساعة ولو صعيدي بيكون ناعم يتغسل بس 

بنشوح البصلة الكبيرة في السمن يضاف الفريك المغسول والمصفي ويقلب باستمرار لليتغلف بالسمن نضيف البصلة الصغير المبشورة _الثوم _الجنزبيل_ الملح _الفلفل القرفة

حبهان ونصف ملعقة كركوم ونقلب وشمي بقي احلي ريحة 

نضيف كوبين من المرقة ونقلب نغطي لقبل التسوية شوية يعني ثلاث ارباع تسوية ندهن قالب ونغرف فيه الفريك ونغرس قطع العكاوي في الفريك بحيث نصفها في الفريك 

وعلي الوجه حلقات طماطم نسقي بكوب مرقة وممكن عصير طماطم ونرش فلفل اسمر و يغطي الطاجن ويدخل فرن متوسط ربع ساعة ويرفع الغطاء 5 دقائق  ليحمر الوجه

ويقدم وبالف صحة وهنا

وانتظرو باقي  #اكلات_الاضحيNoma بإذن الله

النابلسية

فرايز تكساس

كوكيز الشوفان بالشوكليت شيبس

بيكاتا الدجاج بالمشروم والشبت

    

         

#بيكاتا_دجاج_بالمشروم والشبت

نصف كجم فيليه دجاج مقطع شرائح او شاورمة يتبل بملح وفلفل ويغطي بالدقيق ويحمر نصف سوي في زيت وزبدة 

نرفع الدجاج ومكان التحمير يشوح بصلة مقطعة ناعم وتقلب ونضيف مشروم مقطع طازج اومعلب مع فصين توم والشبت ونقلب

 نرجع الدجاج ونضيف كوب ماء ونظبط الملح والفلفل ونضيف كوب كريمة او لبن انا ضيفت لبن (حليب ) وملعقة زبدة او قشطة 5 دقايق وتكون جاهزة تغرف ويرش بقدونس وتتقدم مع ارز ابيض او مكرونة مسلوقة  وبالف صحة وهنا

الفلافل الاسكندراني علي اصولها وبكل تكاتها

اللحمة الباردة

عرق الرستو او اللحمة الباردة

#اللحمة_الباردة

بصله كبيره - 1 بطاطس- كرفس ممكن مشروم بس يضاف في الاخر

فصوص ثوم

زيت ، ملح ، فلفل حب ، زعتر او روز ماري  ،توابل لحمة عود قرفة ورق لورا 

الطريقة

نعمل بالسكينه فتحات غويضة فى اللحمه ونحشيها بفصوص التوم وممكن فلفل حب ونتبله كويس ونربط العرق بالخيط نشوحه في الزيت حتي يحمر من كل الجوانب لازم يكون التحمير كل الجوانب درجة واحد علشان مش يتفتت في التقطيع ونضيف البصل  والكرفس ونقلبهم وبعدين نضيف البطاطس وورق اللور والقرفةونضيف كوب ماء ونرجع اللحمة عليهم ونغطي بورق فويل ونتركها ساعة او حسب حجم العرق وبعد السوي نشيل العرق علي جنب وعود القرفة وورق لورا   ونطلع كل اللي لازق في الصنية ونضربة بالخلاط ونصفية ولو ممكن شوية كريمة او لبن ونقلب يخفف حسب الرغبة لازم عرق اللحمة يبرد علشان يسهل في التقطيع وممكن تحفظيه في الفريزر وقت اللزوم و يقدم بجانب الصوص

https://youtu.be/kYEtK9C97XM

كوكيز الشوفان بالشوكليت شيبس

كوكيز الشوفان بالشوكليت شيبس

طريقة الفسيخ البيتي

السلام عليكم
#الفسيخ_البيتي

طبعاً مافي افضل ولا انضف من الفسبخ البيتي اضمن بكتير من الجاهز واوفر بكتير وصدقوني والله حتي الريحة غير اللي بنشتريه خالص  انا قلت اجهزه بدري علشان تلحقو تعملوه وياريت يكون بوري بحر افضل لانه بيكون معدته انضف انا جبت كيلو سمكتين اتملح 15 يوم ولو السمك حجمه اصغر يتملح في 10 ايام وممكن تدخلي في قلبه فص ثوم او حبهان  وكمية الشطة ممكن تزودي براحتك اهم شئ لا يوصله ماء ولا هواء انا عملت افتكاسة قطعت رقبة زجاحة ودخلتها في باقي الزحاجة كما في الصور بحيث يصفي المية من غير ما تلمس السمك
(ملحوظة التجفيف علي حسب الجو من ساعتين ل4 لو حر ولو بارد من 6 ل8 ساعات )
 المقادير
كيلو سمك بوري بحر طازج عبارة عن سمكتين و8 ملاعق ملح خشن و2ملعقة شطة
2 ملعقة كركم و2م زيت بلاستيك غذائي  كمية اكياس

يمسك السمك مقلوب من الذيل وتغسل الخياشيم جيداً يترك يصفي مقلوب ونستخدم زجاجة مياه غازية بقطع الجزء العلوي ووضعها مقلوبة داخل باقي الزجاجة بحيث تكون رقبة الزجاجة اسفل

 ويوضع السمك مقلوب الرأس لاسفل ليصفي الماء والدم
يغطي بشاشة ويعرض للهواء حتي يجف تماماً

ثم نمسك السمك ونضغط من الذل للراس حتي يفصل اللحم عن الشوك
يخلط الملح بالشطة والكركم ويحشي الفم والخياشيم  جيداً مع الضغط بحيث تكون الخياشيم مفتوحة من كثرة الملح

يدهن بلاستيك بالزيت ويرش بالملح توضع السمكة ويرش عليها من خليط الملح بحيث تغطي من فوق وتحت بالملح يلف البلاستيك جيداً مع الضغط لخروج الهواء ويلف جيدا ويفضل لف كل سمكة بمفردها

وتوضع داخل اكياس مع الضغط وربط الكيس وفي الاخر يوضع داخل كيس اسود ويوضع في صنية وعليه تقل مثل اناء ثقيل او حجارة

 ثم يقلب من حين لآخر علي الجانبين  ويترك في مكان مظلم أسبوعين ثم يغسل من الملح وينظف ويعصر ليمون وزيت  ويقدم مع البصل والخس ويجمل بالليمون
(ونصيحة بلاش يتقدم مع الخيار لانه بيظهر الظفارة )

وبالف صحة وهنا

كيكة الشوفان بالموز والعسل الاسود

السلام عليكم
كيكة الشوفان بالموز والعسل الاسود

مقدم من : نوما أبو شادي
مدة التحضير:10 دقائق
مدة الطهي : 35 دقيقة

المكونات
2 كوب شوفان  كوب وربع دقيق  ملعقة كبيرة بيكينج بودر ملعقة صغيرة قرفة نصف ملعقة زنجبيل نصف ملعقة بيكينج صودا ذرة ملح وفانليا نصف كوب سكر
3بيض 3 موز مهروس نصف كوب زيت ذرة نصف كوب عسل اسود نصف كوب حليب
الطريقة
بمضرب يدوي يخفق البيض قليلا مع ذرة ملح وفانليا يضاف له الموز المهروس ويقلب ثم يضاف السكر ثم الزيت والعسل الاسود ويقلب يضاف الشوفان
ثم يخلط باقي المكونات الجافة وتنخل جيداً ثم تضاف بالتبادل مع الحليب
يصب الخليط في قالب مدهون زيت ويوزع علي الوجه رقائق الشوفان
ويخبز في فرن ساخن مسبقا درجة 180 لمدة 35 دقيقة ويترك يبرد ويقدم

بالف صحة وهنا

طريقة عمل اللسان

طريقة اللسان

طريقة عمل اللسان
يغسل اللسان جيدا باستخدام فرشة مطبخ يدعك بالدقيق ثم بالملح والخل

ثم يسلق في ماء به ورق لورا قرفة حبهان فلفل اسود بصل كرفس طماطم
لمدة لا تقل عن ساعة حسب حجمه ثم يقشر وهو ساخن لسهولة تقشيره

يرش بالملح والفلفل ثم يترك يبرد ويقطع ويحمر في قليل من الزيت
ويرش بالملح والفلفل ويقدم مع الفتة او يحشي سندوتشات مع مايونيز او سلطة طحينة وبالف صحة وهنا

ارز بحليب حلو عادي وفي الفرن

السلام عليكم

#رز_باللبن_حلو_عادي_وبالفرن

ربع كيلو رز بدون نقع كيلو لبن  (حليب) كامل الدسم  وممكن نحتاج كوب زيادة حسب الرز وسكر حسب الرغبة 2م جوزهند فانليا او ماء ورد وممكن اضافة ملعقتين كريم شانتية او قشطة
 للتزين زبيب وجوز هند او قرفة اوكراميل حسب الذوق
يوضع الرز مع ثلاث اضعفه ماء علي النار مع القليب واذا احتاج ماء نزود

ولما يستوي نضيف نصف الحليب مع الكريم شانتية يدوب في اللبن او القشطة و2م جوز الهند والفانليا والسكراو اللي يحب ماءالورد ويقلب ولما ييقرب يمتص الحليب نضيف النص التاني من الحليب ونقلبه ثم نغرف في طوجن  واللي يحب يضيف قشطة براحته
ويدخل الفرن تحت الشوايه  دقيقتين ولو عوزينة عادي نقلب فيه شويه علي النار بس قبل ما يمتص الحليب بالكامل  يكون فيه شوية يغرف و ويقدم زي ما بتحبوه كراميل او قرفة وجوزهند او زبيب وجوز هند او مكسرات

كيكة الشيكولاتة السهلة

كيكة الشيكولاتة السهلة في الخلاط

اسهل والذ كيكة  تسموها كيكة خلاط اوجاتو ولا شاتو زي ماتحبو

اولا في حاجتين انا عندي مكعبات شيكولاتة اللي بتجي هداية حبيت استخدمها
مش عندك استبدلي الكمية ب 2ملعقة كاكاو وزدي 2 ملعقة سكر
ثانيا الصوص ممكن تكتفي بالكوب اللي خليناه علي جنب وممكن تزودي اللي حقولة عليه تمام كدة

المقادير : كوب ونصف دقيق عليهم ملعقة كبيرة بيكينج بودر ورشة بيكينج صودا ننخلهم مرتين او ثلاثة
كوب سكر يقلب معه 5ملاعق كاكاو عليهم 4 ملاعق لبن بودر وعليهم كوب ونصف ماء ويقلبو كويس يغلو علي النار غلوة واحدة ونطفي  نضيف (ملعقة كبيرة نسكافية اختياري)و نصف كوب شيكولاتة مبشور و ثلاث ارباع كوب زيت ذرة ويقلبو كويس تهدا الحرارة شوية ناخدهم علي الخلاط
ونضرب حناخد كوب نرجعه في الاناء اللي كان فيه علي النار نضيف معلقتين سكر و ربع كوب  شيكولاتة مبشورة تسيح علي النار ونضيف عليها معلقة زبدة ونخليهم للوش نرجع للخلاط نضيف 3 بيضات ورشة ملح وفانليا ونخفقه شوية حلوين
نضيف عليهم نصف كوب من خليط الدقيق ونخفق خفيف ونصب علي باقي الدقيق ونقلب بخفه نصب الخليط في صنية مدهونة مقاس 24 وتدخل فرن ساخن مسبقا علي 180 لمدة نصف ساعة واختبري التسوية ممكن تحتاج 5 دقائق طفي الفرن وخليها داخل الفرن ربع ساعة تخرج تهدا قليلا وصبي الصوص عليها وتقدم اوممكن تجملي بمكسرات اوشيكولاتة بيضاء وبالف صحة وهنا

دجاج مشوي علي الزجاجة

السلام عليكم
دجاج مشوي علي الزجاجة

يعني الطريقة دي قديمة جداً وكنت مفكرة ان الناس كلها بتعملها بس لاقيت بنات كتير خايفين حتي يجربوها بقولك للخايفين مش تخافو امي الله يرحمها كانت بتعملها
واحنا لينا زمن بنعملها اطمنو ممكن استخدام حامل الشوي السلك اللي في الصورة

المقادير :
 دجاجة قلبوظة 2 كيلو كدة
التتبيلة : واحدة زبادي 2ملعقة مسطردة  2ملعقة خل
معلقة توم مفروم ناعم ملعقة جنزبيل فريش او نص ملعقة بودر ملعقة زعتر ملح_فلفل ممكن ملعقة هريسة فلفل اختياري
الطريقة :بنغسل الدجاجة كويس بملح وخل  ويخلط مكونات التتبيلة ويتبل بها الدجاجة تحت الجلد ومن الداخل والخارج وتتنقع ممكن يوم او مش اقل من ساعتين

نحضر صنية وعلياه ورقة فويل او من غير زيماتحبو وفي الصنية شوية مية و نملي الزجاجة ماء ونوقف الدجاجة فوق الزجاجة

 وندخلها الفرن من تحت ولو فرنك مش بمروحة لففي الصنية كل شوية حرارته 200 لمدة نص ساعة وبعد كدة هدي الحرارة 180 نص ساعة كمان او حسب ما تستوي ممكن تاخد المدة كاملة
ساعة وربع  خلي بالك وانت بتخرجيها من الزجاجة الا المية تتكب منها
وتقدم مع سلطات او بطاطس وكوسة مشوية والطريقة هنا #اصابع_بطاطس_مشوية
وبالف صحة وهنا

فطائر الجبنة بالبسطرمة

                             رولات الجبنة بالبسطرمة

                            فطائر_بالجبنة_والبسطرمة

كنت نزلتها من زمان وصديقتي فكرتني بيها اشتهيتها قلت اشهيكم معايا 😁😁😁😁😁
#فطاير_العشا

كيلو دقيق - 4م لبن بودر  - 4م زيت -  1م خميرة -ام سكر  - بيضة معلقة ملح مذابةفي ماء العجن نعجن المكونات باءضافة الماء بالتدريج

ونعجنها كويس وتترك تخمر  وبعد كدة نشكلها تفرد العجينة ويفرد الحشو عليها وتلف رول وتقطع
والحشو حسب الرغبة (بسطرمة مفرومة وجبنة رومي وفيتا وفلفل وممكن
جبن فيتا بالبقدونس والزيتون وحشوة تانيه اصابع جبن شيدر  وندهن الوجة بالحليب  تخبزفي فرن حرارته 200 ربع ساعة
وبالف صحة وهنا
( علي فكرةالكمية دية نصف العجينة )

النابلسية

طاجن مكرونة المحلات

السلام عليكم

#طاجن_مكرونة_المحلات

#طاجن_المكرونة_بتاع_المحلات  واحلي كمان لعيونكم وللبنات اللي بعتتلي وملققة تجرب المكرونة النية وبالخطوات
بطعم احلي وانضف من المحلات
المقادير
كيس مكرونة قلم 400 جرام او نصف كيلو  بدون سلق ( مكرونة نية  )
نصف كيلو لحم مفروم معصج ببصلة ومتبل (وممكن ربع كيلو حسب الرغبة )
عصير كيلو طماطم راس ثوم مفروم_ زعتر ملح_فلفل_كسبرةجافة_كمون_شطة
_نصف ملعقة صفيرة سكر _ملعقة صلصلة اختياري  بصل محمر اختياري
الطريقة :اولا علشان تاخدي الطعم لازم طاجن فخار بلدي اذا توفر  او اي طاجن

التسبيكة:نشوح الثوم في الزيت وعليه الزعتر والكسبرة والكمون والفلفل وبسرعة قبل ما يتلون الثوم نضيف عصير الطماطم والملح والشطة والسكر وتترك تتسبك
في قاع الطاجن نضيف نصف العصاج  وعليه المكرونة النية بدون سلق واوزع عليها باقي العصاج  وعليهم التسبيكة سخنة واذا احتاج سائل كملي بماء مغلي ويكون المقدار زي الرز بالظبط وتغطي بورق فويل ويدخل فرن ساخن 200 نصف ساعة

واكشفي اخر 5 دقائق ولو جابة تقلبيه غطية قبل بخمس دقائق
 وبالف صحة وهنا